jump to navigation

بياض .. نقاء .. ثلج 04/02/2009

Posted by نوار in مذكرات جامعية, أوراق من حياتي.
trackback

صباحكم \ مسائكم خير وسعادة 🙂

اشتقت لك يا مدونتي .. واشتقت لكم  f

صباحي كان منعش وصافي على غير العادة  .. تسألون ليه ؟  لأني  قمت من النوم و وفتحت الستارة وقابلني أحلى منظر في العالم  .. خقييييييت هي هي

img_0165

طبعاً انا ما صد قت المنظر .. كان بياضه ساطع بشكل خياااالي .. على طوووول طلعت وقمت ألعب كأني طفلة عمرها عشر سنين هع هع ..

والناس اللي يمشون لدواماتهم كان ودهم يكفخوني .. نظرات تعجب  وعلامات استفهام حول وجيههم .. وش مطلعها ذي تلعب في هالبرد خخخخ .. ودي أقولهم اييييييه أول مره في حياتي أشوف ثلج يا عااالم 🙂 .. اخر ذكرياتي باللعب يوم كنا نلعب بالتراب والطين ويدخل في عيوننا وحالتنا حاله .. والله رحمتنا ايام زمان

والله كان  ونااااسة  ما ودي يوقف أبد أبد أبد .. بس للأسف الشديد كل هالوناسة راحت يوم توكلت للجامعة اهئ اهئ

الأرض كانت مرررره شينة .. الثلج تجمد وصار يزلق  لأنه كان نازل من يومين ..

محاكيتكم ترى ما تكرفست مرتين وبغت تطيح مليون مره  هع هع .. تمنيت لو عندي من الجزم اللي فيها من تحت شوك ولا شي  خخخ .. صارت روحتي للجامعة تفحيط في تفحييييط

img_0209

img_0210

تتذكرون يوم كنا صغار .. واذا لقينا سيب طويل ورخام لبسنا شراب وقمنا نركض ونفحط على الأخيييير* .. تمنيت اني اسويها على الرصيف وافحط بعبايتي  بس اني تعوذت من بليس  وهجدت ..بس والله انها في خاطري الى الحين اهئ اهئ

وبس رحت ورجعت من الجامعة .. والنتيجة كانت بقعتين لونها أزرق على ركبتي ومرفقي .. بس ابشركم الحين لونها صار بنفسجي هي هي  🙂

^_^

_______________________________________________

* قرائي الأعزاء  اللي ما قد فحط  منكم في السيب وهو صغير تراه مفوت نص عمره  وطفولته الى الحين ناقصة ولازم يكملها بتفحيييطة هع هع لكني أخلي مسؤليتي من أي فلقات أو كسور ..



Advertisements

تعليقات»

1. Afnan - 04/02/2009

ههههههههههههههه،

“تتذكرون يوم كنا صغار .. واذا لقينا سيب طويل ورخام لبسنا شراب وقمنا نركض ونفحط على الأخيييير”…

أحم أحم.. صح، يوم كنا صغار،، ما أسوي هالحركة (الحين) أبد…

😛

2. ماجد - 04/02/2009

يعطيك العافية ..
http://majedlife.wordpress.com/

3. female symphony - 05/02/2009

أنا كنت اتزحلق بكل مكان loooool
يالله قد إيش منظر الثلج مريح للأعصاب

4. eman suliman - 05/02/2009

أهلا ياحلوة كيفك؟ مشتاقين..

معليش ودي اعبر عن رأيي بس الصورة كئيبة يالله لك الحمد الشمس عندنا وش زينها وذا الايام دفى الله يتمم بس ويلحقكم فينا.

5. نوار - 06/02/2009

أفنان

والله أنك خبلة قاعدة هي هي .. إن شا الله سوف أنضم إليك قريباً 🙂
____

ماجد

مشكور على زيارتك لمدونتي .. حياك ربي

____

female symphony

يااي ما شا الله عليك والله طلعتي احسن مني خخخ .. أنا خوافة قاعدة وبس P:
والله صادقة منظر الثلج شي فضيييع .. بياضه يخلي الإنسان يروووق بشكل

____

إيمان

أهليييييييييين .. حياك ربي .. توها ما نورت مدونتي بوجودك .. والله أنا اكثر يا حبيلك

لازم يعني تذكريني أن ما عندنا ولا حبة شمس اهئ اهئ .. من ناحية الشمس ولا أنك صادقة .. اشتقت لها كثييييييير 😦 .. بس فيه مشكلة .. أنه اذا طلعت نتفة شمس طارت ملابس بناتهم ما أدري وين تروح هههههههههههه .. عشان كذا أنا مبسوطة على البرد خليهم يلبسون طبقااات

6. محمد الصالح - 07/02/2009

هههههههههههه

أذكر ما كتبتُ في مذكراتي مرة .. حينما تجمدت مياه ” غسيل الحيشان 🙂 ” في الشوارع .. استمتعنا وقتها بالتفحيط على أصوله 🙂

هي الوحيدة 😦

لا أنسَ الثلج فوق رأسي يهطل ولا أهابه في استنبول .. كان شتاء رائعاً ذلك ..

🙂

7. شموخ - 07/02/2009

منظر فلللللللله ..!
اما التزحلق في الممرات .. فحدث ولا حرج !!

تحيتي لك بنقاء الثلج

8. تلف - 08/02/2009

تزحلقي بالعافية 🙂

9. نوار - 08/02/2009

م.محمد الصالح

لا تيأس .. ربما ستكون هناك مره أخرى بإذن الله ..

انتظر اليوم الذي أحكي فيه هذه الذكريات لأطفالي 🙂
_____

شموخ

المنظر كان شي راائع .. لكن للأسف بدا يذوب 😦
حياك ربي f

_____

تلف

الله يعافيك 🙂 ..

_____

مشكورين على مروركم وتعليقاتكم اللي اسعدتني كثيييير ..

10. ذكرى الجروح - 12/02/2009

( لماكنا صغار .. وإلا خلاص بلاش فضايح 🙂 )
من جد متعة ماشاء الله
الله يديمها عليك

11. قطرالندى - 13/02/2009

نواااار كيفك؟ يختي مره مشتاقين
من زمان وانا بكتب تعليقات بس تعرفين اعصار الاختبارات و”أعاصير” المشروع ماتعطي الواحد فرصة 😐
ان شاء الله رح اسنتر هنا اذا خلصنا :):)

والله وناسة الثلج بس قهر ليه رحتي الجامعه ماعطلتوا زي الناس الثانين!

اما بالنسبة للتزحلق على الرخام فأنا أؤيدك تماما ان هذا الشيء من اهم فعاليات الطفولة هع هع لا واذا سويتي فيها حررريفة وتزحلقتي وانتي ناسية انه ماعليك شراب :$:$:$ ماتتشقلبين ابد خخخخخخخخخ

لي رجعات بإذن الله 🙂

12. اوراق الوجد - 14/02/2009

يااااي روعه المنظر ..

الله يسعدك ضحكتيني تخيلتك بعبايتك تفرفرين …
ههههههه !

الله يسعد قلبك ويسهل عليك أمورك ..

13. susu - 14/02/2009

يا بختك يا نوار على هذا الثلج …..

لفت إنتباهي إسمك

لأن إسم أخي هو نوار

الله يهنيكي و يسعدك و يهون عليك غربتك

14. نوار - 15/02/2009

قطر الندى

أهلييييييييييين والله نورتي مدونتي وانا مررررره مشتاقة كثيييييير :*
والله أدري انكم مكروفين كرف قاتل يا بعد الدنيا انتم بس

شفتي جرجرونا للجامعة يامال الصلاح وباقي العالم معطلة من زود حب العلم خخخ
هههههههههههههههههه والله صادقة بدون شراب انواع اطقات والورمات بس تسوى على الوناسة اللي تجي من التزحلق

حياك ربي يا قطرورة الله يحييك البيت بيتك وانا أختك :):)

——————-

أوراق الوجد

حياك ربي والله 🙂

لا خلاص مايحتاج تتخيلين لأني بعتها وفرفرت صدق هههههههههههههههه !

وياك 🙂 .. نورتي المكان

——————-

susu

حياك ربي يا البي 🙂 ..
اييييه كم من مرة قالوا لي ناس ان نوار اسم ولد .. بس انا اسمي بدون شدة ..يمكن اسم اخوك بشده 🙂

والله تعليقاتكم اسعدتني 🙂

15. بسمه - 19/02/2009

الزحلقة في الاسياب هين أعرفها ..
بس انتي وين ساكنه يوم عندكم ثلج ..
تحياتي مع اول مرور

16. نوار - 20/02/2009

بسمة

حياك ربي ..
أنا ساكنة في بريطانيا 🙂 ..

اتمنى ما يكون اخر مرور .. حياك ربي في كل وقت

17. uturnfashion - 24/02/2009

ودي احب البرد بس ما اقدر هههههههههههه
يمكن اصيح لو شفت ثلج ..

اما الزحلقة اووه هذي عالم ثاني ..
كمان الزحلقة ع الدرج برضو رهيبة لوووووووووول

سلامتك يارب ما تشوفين شر ..وان شاء الله اللحين تكون امداكي تعافيتي ..
الله يوفقك يارب في دراستك..

18. أفنان - 04/03/2009

هههههههههههههههههههههههه

اتذكر في كل مكان اتزحلق 🙂 وناسه >> حتى الحين

موفقه يارب 🙂

19. نوار - 05/03/2009

uturnfashion

ههههههههههههههههههههه .. لييه البرد لذيييييذ 🙂

أهم شي الزحلقة على الدرج فوق المخدات خخخ

لا الحمد لله ابشرك في تمام الصحة والعافية

امييين وياك يارب

——-

أفنان

يا حبي للزحلقة بس 🙂 .. والله صادقة وناسة بشكل

شكرا لمروركم وتعليقاتكم المشجعة f

20. نورة - 14/03/2009

ههههههههههههههههههههههههههههههه

نوااار

يافلة أنتي

اشتقت لمدونتك والله ..

ياحبيلك اجل تمصعتي 🙂

اما الزحلقة بالأسيااب هذي شي ثاااني خصوصاً لما يكون عليك شراب مايصدق خبر تتحركين ويطيحك 🙂

:
:
:

وش رايك طيب بالي قد تزحلقت على خشبة مسرح توهم ملمعينها !

بس كانت فلة والله 🙂

:
:

الله يوسع صدرك بالعااافية

21. نوار - 23/03/2009

نووووورة والله فقدتك يا دبة ..
ايه والله تمصعت كراعيني وانا واختك خخخ بس اهم شي الأخلاق والوناسه 🙂

اااه الزحلقة في الأسياب وقصة حب لا تنتهي هههههههههههه

حياك ربي يالغالية

22. ^_^ - 06/05/2009

أهلين نوار ..

ما شاء الله وناااسه وفلة !!

أكيد أنها طيحات قويـة 😦 !!

23. peewee - 23/06/2009

ماشـاء الله شكلـﮎ فـالتها مع الثلج خخخخخ
أما عن التفحيط كل يوم لازم تفحيطه وحـده في السيب 🙂

24. !..عانديهم..! - 03/08/2009

ههههههههههههههه

مااالوووومج عن جد ثلج وماتلعبيين فيها قبااايل هذي الاجاانب متعودين على الثلج البلا من الي ماااشااف الثلج قداامه اهني تقع المشكله خخخخخخخخ

بس يالله سلاامتك ماتشووفين شرر ههههه

دمتي بود


اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google+ photo

أنت تعلق بإستخدام حساب Google+. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

%d مدونون معجبون بهذه: